Inflacioni vjetor ra në 4.3% në Eurozonë dhe 4.9% në Bashkimin Evropian në muajin shtator, nga 5.2% dhe 5.9% në sa ishte në muajin gusht, thanë të mërkurën nga Eurostat.
Një vit më parë, normat vjetore ishin 9.9% për Eurozonën dhe 10.9% në BE, tha autoriteti statistikor i bllokut 27-anëtarësh.
Normat më të ulëta vjetore të inflacionit u shënuan në Holandë (-0.3%), Danimarkë (0.6%) dhe Belgjikë (0.7%), ndërsa normat më të larta vjetore ishin në Hungari (12.2%), Rumani (9.2%) dhe Sllovaki ( 9.0%).
Krahasuar me gushtin, inflacioni vjetor ra në 21 shtete anëtare, mbeti i qëndrueshëm në një, dhe u rrit në pesë, sipas Eurostat.
Në muajin shtator, kontributin më të lartë në normën vjetore të inflacionit në Eurozonë e kanë marrë shërbimet me 2.05 pikë përqindje, të ndjekura nga ushqimi, alkooli dhe duhani me 1.78 pikë përqindje./AA