Sipas Eurostat, norma e inflacionit në eurozonë arriti një nivel të ri në mars, në 7,5 përqind nga viti në vit.
Kjo pasi lufta në Ukrainë ka përshpejtuar më tej rritjen e çmimeve të energjisë, raporton atsh.
Në shkurt, inflacioni arriti në 5,9 përqind për 19 vendet që kanë adoptuar monedhën e përbashkët, çka përbën nivelin më të lartë të regjistruar nga zyra evropiane e statistikave që nga fillimi i këtij treguesi, në janar 1997.
Inflacioni ka arritur një nivel të ri historik çdo muaj që nga nëntori.