Qindra të mbijetuar të sulmit me acid po kërkojnë ligje më të rrepta kundër shitjes së kimikateve, pasi dy burra me motoçikletë hodhën një lëng mbi një vajzë 17-vjeçare gjatë rrugës së saj për në shkollë në Delhi, javën e kaluar.
Sipas hetuesve, sulmuesi kryesor, një djalë nën moshën 18-vjeçare, e bleu acidin online. Videoja e incidentit, që u kap nga një kamerë CCTV, u shpërnda gjerësisht dhe shkaktoi shqetësim në Indi, duke çuar në një fushatë të re për të trajtuar shitjet në internet.
Sipas të dhënave të Byrosë Kombëtare të Regjistrimeve të Krimit të Indisë, më shumë se 1 mijë raste të sulmeve me acid janë raportuar në vend midis viteve 2017 dhe 2021.
Në vitin 2013, një vendim i gjykatës së lartë indiane ndaloi shitjet e acidit pa recetë, dhe sipas vendimit, blerësit e mundshëm do të kërkojnë një dokument identiteti të miratuar nga qeveria dhe do të duhet të ofrojnë një arsye të vlefshme për blerje. Shitësit janë të detyruar të mbajnë një regjistër të të gjitha shitjeve./UBTNews/