Imazhet e reja satelitore nga Maxar Technologies tregojnë se trupat e civilëve të vdekur në Bucha ishin të shtrirë në rrugë për javë të tëra, duke përfshirë edhe kohën kur qyteti ishte nën kontrollin rus.
Moska pretendoi se pamjet nga Bucha ishin “të rreme”, por fotografitë e reja tregojnë se objektet në rrugën Yablunska përputhen me vendndodhjet e sakta ku shihen trupat në rrugë në video.
Zyrtarët ukrainas u kanë treguar mediave ndërkombëtare nxjerrjen e pesë trupave nga një bodrum në Bucha.
Një ekip i CNN vizitoi bodrumin përpara heqjes dhe pa kufomat, të cilat ishin në një fazë të avancuar dekompozimi.
Pesë burra ishin torturuar dhe ekzekutuar nga ushtarë rusë, tha një këshilltar i ministrit të brendshëm ukrainas, Anton Gerashchenko për CNN. (CNN nuk mund të verifikojë në mënyrë të pavarur pretendimet e Gerashchenko)./UBTNews/