Prokurorët në Belgjikë thonë se një person që vrau një zyrtar policor në kryeqytetin e Belgjikës, Bruksel, të enjten ishte në listën e ekstremistëve potencialisht të dhunshëm.
I dyshuari bërtiti “Allahu Akbar” ose “Zoti është më i madhi” gjatë sulmit me thikë, sipas një oficeri të dytë, i cili gjithashtu u ther me thikë, por mbijetoi.
Autoritetet belge thonë se i dyshuari kishte hyrë më herët në një stacion policie duke kërkuar ndihmë psikologjike. I dyshuari është qëlluar nga oficerë të tjerë policorë dhe ndodhet në spital.
Në një konferencë për media në Bruksel të premten, zyrtarët thanë se shtetasi belg – Yassine M – kishte qenë në burg midis viteve 2013 dhe 2019 për vepra joterroriste dhe ishte në listën e vëzhgimit të ekstremistëve të dhunshëm./UBTNews/