Ushtria ruse po kërkon të kufizojë qasjen në informacione për të afërmit e ushtarëve të vrarë në Ukrainë.
Humbjet e trupave ruse gjatë “operacioneve speciale” në Ukrainë tashmë janë klasifikuar si sekrete shtetërore.
Sipas rregullave të propozuara, Ministria e Mbrojtjes e Rusisë dëshiron që zyrat e regjistrimit të zëvendësojnë autoritetet civile në lëshimin e certifikatave që ofrojnë përfitime për të afërmit e ushtarëve të vrarë, raportojnë mediat ruse.
Vendimi shpjegon nevojën për të “kufizuar numrin e personave që kanë qasje në informacione për anëtarët e familjeve të trupave të Forcave të Armatosura që vdiqën gjatë operacioneve speciale ushtarake në Ukrainë”.
Propozimi aktualisht është në diskutim publik dhe vjen pasi një numër në rritje i të afërmve të ekuipazhit anijes luftarake Moska u kanë thënë mediave se djemtë ose vëllezërit e tyre janë të zhdukur.
Ministria e Mbrojtjes thotë se ekuipazhi i Moskës u evakuua, por nuk dha më shumë detaje.
Autoritetet civile lokale lëshojnë aktualisht certifikata që ofrojnë përfitime – duke përfshirë bonuset e pensioneve – si pjesë e rregullave të vendosura në vitin 2013. Për herë të fundit Rusia pranoi humbjet njëmujore të luftës në Ukrainë, duke pretenduar se janë vrarë 1.351 trupa që nga 24 marsi.