Kryetari në detyrë i Partisë Demokratike të Kosovës, Enver Hoxhaj së bashku me anëtarin e kryesisë, Elmi Reçica, kanë pritur sot në takim shefin e Misionit të Eulex-it, Lars-Gunnar Ëiegemark.
Në këtë takim, kryetari Hoxhaj ka folur me shefin e EULEX-it për Gjykatën Speciale dhe zhvillimet aktuale politike në vend.
Shef i Misionit Ëiegemark foli edhe për punën që bën EULEX në monitorimin e gjyqësorit në Kosovë.
Ndërkohë kryetari Hoxhaj deklaroi qasjen konstruktive të Partisë Demokratike të Kosovës, e cila edhe pse në opozitë, është gjithmonë e gatshme që të jap kontributin e saj në të mirë të shtetit dhe qytetarëve, siç ishte rasti i fundit me votimin e pakos së Rimëkëmbjes Ekonomike.
Po ashtu, dialogu Kosovë – Serbi, si një proces i cili ka qaluar shumë vitin e fundit, ishte një tjetër temë për të cilën u diskutua. Edhe gjatë kësaj teme, kryetari në detyrë i Partisë Demokratike të Kosovës kërkoi që Serbisë t’i bëhet akoma më shumë presion n ë lidhje me zbardhjen e fatit të të pagjeturve në Kosovë, trupat e të cilëve po zbulohen edhe sot e kësaj dite atje.
Në fund, kryetari në detyrë, Enver Hoxhaj ka përsëritur qëndrimin e PDK-së për konstruktivitet të plotë me të gjithë ata të cilët punojnë në të mirë të Republikës së Kosovës dhe qytetarëve të saj.