Holanda do të dërgojë 15 ton pajisje kërkimi dhe shpëtimi në Turqi të hënën, pas tërmetit vdekjeprurës me magnitudë 7.8 ballë.
“Pritet që pasdite, një aeroplan mallrash me 15 ton pajisje të rënda shpëtimi dhe furnizime të tjera të niset për në Turqi nga Eindhoven”, njoftoi Ekipi Urban i Kërkimit dhe Shpëtimit në faqen e internetit.
Koha e nisjes për 65 punëtorë shpëtimi dhe tetë qen kërkimi ende nuk dihet.
Ministri i Jashtëm holandez, Wopke Hoekstra njoftoi gjatë ditës se në ekipin e kërkim-shpëtimit do të ketë “personel policie dhe ushtarake, reagues të ndihmës së parë dhe zjarrfikës”./UBTNews/