Një nga mënyrat më të thjeshta dhe më efikase për të parandaluar përhapjen e infeksioneve është higjiena e duarve. Duart janë një nga pjesët e trupit që kanë më shumë mundësi të hyjnë në kontakt me mikrobe dhe viruse, dhe kjo mund të çojë në sëmundje të ndryshme. Prandaj, pastrimi i duarve është një praktikë themelore për ruajtjen e shëndetit.
Lajini duart shpesh, sidomos pas përdorimit të tualetit, ngrënies dhe pas kontaktit me sipërfaqe të ndotura si dorezat e dyerve, telefonat dhe pajisjet publike. Kjo parandalon përhapjen e shumë infeksioneve, përfshirë gripin, virozat e ndryshme dhe ndotjet bakteriale që mund të shkaktojnë probleme të shëndetit të përgjithshëm.
Një metodë shumë efektive për të pastruar duart është përdorimi i sapunit dhe ujit. Pastrimi i duarve për të paktën 20 sekonda është i nevojshëm për të larguar të gjitha papastërtitë dhe mikrobet që mund të ngjiten në lëkurë.
Kjo masë e thjeshtë dhe e përditshme është një nga mbrojtjet më të fuqishme kundër infeksioneve dhe sëmundjeve, duke ofruar mbrojtje për ju dhe ata që ju rrethojnë. Prandaj, për fund duhet të ju tregojmë se kujdesi maksimal për higjienën e duarve është një ndër mjetet më të rëndësishme për mbajtjen e një jete të shëndetshme. /UBT News/
