Gjykatësi libanez që hetonte shpërthimin vdekjeprurës në portin e Bejrutit të vitit 2020 ka rifilluar punën e tij, tha një burim gjyqësor, pas një pezullimi 13-mujor për shkak të presionit politik.
“Gjyqtari Tarek Bitar ka vendosur të rifillojë hetimin e tij” tha një zyrtar për AFP, duke shtuar se ai urdhëroi lirimin e pesë të dyshuarve të arrestuar, ndërsa akuzoi tetë të tjerë.
Midis të akuzuarve nga Bitar ishin drejtori i përgjithshëm libanez i sigurisë Abbas Ibrahim dhe shefi i sigurimit të shtetit Tony Saliba.
Hetimi për shkakun e shpërthimit kishte ngecur që nga dhjetori 2021 pasi politikanët që Bitar kishte thirrur për t’u marrë në pyetje, depozituan ankesa kundër tij, duke e detyruar atë të ndalonte hetimin.
Grupi i fuqishëm i Hezbollahut në Liban gjithashtu kishte kërkuar vazhdimisht që Bitar të largohej nga hetimi.
Asnjë zyrtar shtetëror nuk është mbajtur ende përgjegjës për shpërthimin.
Kujtojmë se shpërthimi i 4 gushtit më 2020 në portin e Bejrutit vrau më shumë se 200 njerëz dhe shkatërroi pjesë të kryeqytetit./UBTNews/