Sipas raportit 24-orësh të Policia e Kosovës, është iniciuar një rast për “Keqpërdorim të pozitës apo autoritetit zyrtar” në Qendrën e Paraburgimit në Hajvali.
Rasti lidhet me dyshimet se disa zyrtarë të qendrës së paraburgimit kanë keqpërdorur detyrën zyrtare, duke u mundësuar qasje në telefon celular disa të burgosurve.
Lidhur me këtë çështje janë intervistuar katër dëshmitarë, ndërsa për rastin është njoftuar prokurori kompetent.
Rasti është duke u trajtuar në procedurë hetimore nga organet përkatëse.