Në prag të përvjetorit të 15-të të pavarësisë së Kosovës, kryetari i AAK-së, Ramush Haradinaj, ka vizituar familjen e heroit të kombit nga Mitrovica, Kadri Bistrica.
Haradinaj ka thënë se familjet e heronjve janë ato që mbajtën gjallë rezistencën ndaj okupatorit dhe trasuan rrugën drejt çlirimit të atdheut.
“Përgjatë historisë sonë të lavdishme shumë familje dhanë kontribut të çmuar në përpjekjet për liri e pavarësi. Janë ato që mbajtën gjallë rezistencën ndaj okupatorit dhe janë ato që trasuan rrugën për të ardhur deri te liria që e gëzojmë sot”, ka shkruar Haradinaj.