Një përfaqësues i Hamasit në Moskë raportohet se ka thënë se pengjet izraelitë që mbahen në Gaza nuk mund të lirohen derisa të arrihet një armëpushim.
Gazeta ruse Kommersant citoi Abu Hamid, një anëtar i një delegacioni të Hamasit që vizitoi kryeqytetin rus, të ketë thënë se grupit i duhet kohë për të gjetur të rrëmbyerit më 7 tetor – dhe një mjedis i qetë për të përfunduar këtë detyrë.
Izraeli i ka kërkuar Rusisë që të dëbojë delegacionin vizitues të Hamasit, duke e quajtur ftesën e tyre në Moskë “të mjerueshme”.
Rusia ka lidhje me të gjithë lojtarët kryesorë në Lindjen e Mesme, duke përfshirë Izraelin, Iranin, Autoritetin Palestinez dhe Hamasin.
Moska ka fajësuar vazhdimisht dështimin e diplomacisë amerikane për konfliktin.
Ajo ka bërë thirrje për një armëpushim midis Izraelit dhe Hamasit dhe rifillimin e bisedimeve që synojnë gjetjen e një zgjidhjeje për paqe./UBTNews/