Zëdhënësi i Hamasit, Osama Hamdan, ka adresuar pretendimet e fundit nga zëdhënësi i Forcave të Mbrojtjes të Izraelit, kundëradmirali Daniel Hagari, i cili tha se Hamasi po grumbullonte armë nën Spitalin Sheikh Hamad në Gaza.
Ai e mohon këtë, duke thënë se vrimat që Izraeli pretendonte se ishin hyrje të tuneleve nëntokësore nuk po përdoreshin nga Hamasi.
Ndërsa mund të mos ketë tunele atje, Hamdan thotë se “mijëra luftëtarë tanë lëvizin pa e ditur ata”.
Ai gjithashtu i bën thirrje OKB-së që të inspektojë spitalet në Gaza për të vëzhguar “krimet e luftës” izraelite dhe për të parë se nuk ka prani të Hamasit brenda tyre.
Ai tha se Izraeli ka shënjestruar civilët e Gazës qëllimisht, duke shkatërruar rreth 250,000 shtëpi gjatë procesit.
“Ushtria e pushtuesve ka në shënjestër… gra dhe fëmijë në rrugë të hapur”, thotë ai./UBTNews/