Hakerët kanë shënjestruar një nga kompanitë kryesore mediatike të Portugalisë për të dërguar lajme të rreme.
Shumica nga uebsajt-et e Grupo Impresa kanë rënë nga sulmi kibernetik, i cili synonte të prishte shërbimet e kompanisë. Hakimi në internet, i cili ndodhi më 2 janar, thuhet se u krye nga një grup që e quan veten ‘Lapsus$’.
Abonentët e Grupo Impresa morën gjithashtu lajme të rreme, duke përfshirë një që thoshte, “Lajmi më i fundit: Presidenti u largua dhe u akuzua për vrasje: Lapsus$ është presidenti i ri i Portugalisë”.
Grupo Impresa tha në një deklaratë se hakerët kishin qenë në gjendje të dërgonin email dhe mesazhe me tekst nga grupi mediatik.
Hakerët u qasën në disa informacione të abonentëve, por Impresa tha se nuk kishte prova se kishin në dorë fjalëkalimet e klientëve ose detaje të kartës së kreditit.
Grupo Impresa më vonë rifitoi kontrollin e shërbimeve të saj, megjithëse dy nga faqet e saj kryesore të internetit vazhduan të përdornin faqe të përkohshme.
Incidenti po hetohet nga policia portugeze dhe Qendra Kombëtare e Sigurisë Kibernetike e vendit./UBTNews/