Aktivistja suedeze për Mbrojtje të Klimës, Greta Thunberg dhe lëvizja “the Fridays for Future” përsëritën mbështetjen e tyre për palestinezët në Gaza pas kritikave mbi qëndrimin e tyre ndaj luftës.
Në një artikull të publikuar në të përditshmen suedeze, Aftonbladet dhe gazetën britanike, The Guardian, ata shkruan: “Ndryshe nga sa kanë pretenduar shumica, lëvizja nuk është ‘radikalizuar’ ose ‘politizuar’. Ne kemi qenë gjithmonë të përfshirë në politikë, sepse kemi qenë gjithmonë një lëvizje për drejtësi”.
“Avokimi për drejtësinë klimatike në thelb vjen nga një vend që kujdeset për njerëzit dhe të drejtat e tyre njerëzore. Kjo do të thotë të flasësh kur njerëzit vuajnë, detyrohen të ikin nga shtëpitë e tyre ose vriten – pavarësisht nga shkaku”.
Më parë, disa politikanë në Gjermani i kërkuan degës gjermane të lëvizjes që të ndërpresë lidhjet me degën e saj ndërkombëtare lidhur me komentet pro-palestineze./UBTNews/