Përdoruesit e Google Chrome në mbarë botën duhet të bëjnë një përditësim urgjent pasi Google raportoi gjashtë probleme të reja sigurie të cilat konsiderohen kritike.
Google konfirmoi ekzistencën e tyre në blogun zyrtar të Chrome duke thënë se problemet prekin Chrome në Windows, macOS dhe Linux. Për këtë ka lëshuar versionin Chrome 106.0.5249.119 për të parandaluar sulme të mundshme. Asnjë prej problemeve të sigurisë nuk është raportuar se po përdoren nga hakerët.
Përditësimi i ri është i treti për Chrome 106. I pari adresoi tre probleme sigurie, i dyti lëshuar vetëm javën e kaluar nuk ka informacione se për çfarë është dërguar.
Së bashku, tri përditësimet e Chrome 106 adresojnë në total 29 dobësie sigurie.
Përdoruesit e Chrome duhet të përditësojnë sa më parë të jetë e mundur për t’u mbrojtur nga sulmet e mundshme. Shumica e shfletuesve bazuar në Chromium duhet të dërgojnë së shpejti përditësimet në fjalë./PCWorld Albanian