Kryetari i Kuvendit të Kosovës, Glauk Konjufca ka rezultuar pozitiv me COVID-19. Kjo është bërë e ditur nga nënkryetarja e Kuvendit, Saranda Bogujvci në seancën e sotme në të cilën po shqyrtohen pikat e papërfunduara të seancave të kaluara.
“Kryetari ka rezultuar pozitiv me COVID-19 kështu që nuk mund të marrë pjesë në seancë, kjo është për njoftimin tuaj dhe natyrisht për njoftim të publikut, shpresoj që do të kalojë shumë shpejtë dhe me lehtësi”, ka thënë Bogujevci.
Kjo është hera e dytë që Konjufca infektohet me COVID-19.