Gjykata Speciale në Hagë i ka shpallur fajtorë Haxhi Shalën, Ismet Bahtijarin dhe Sabit Januzin, nën akuzat për pengim të drejtësisë. Në seancën e mbajtur të martën, Shala u dënua me tri vjet burgim, Bahtijari dhe Januzi me nga dy vjet.
Të tre të akuzuarit e kishin pranuar fajësinë për pengim të drejtësisë dhe frikësim të dëshmitarëve.
Ata kishin arritur marrëveshje me Zyrën e Prokurorit të Specializuar në fund të vitit të kaluar, përmes së cilës, kishin pranuar fajësinë.