Dënimi ndërkombëtar i Rusisë u rrit të mërkurën pas mbylljes së Memorial, një grup i të drejtave të njeriut që tërhoqi vlerësimin ndërkombëtar për studimet e tij mbi represionin politik në ish-Bashkimin Sovjetik.
Vendimi i Gjykatës së Lartë të Rusisë për të hequr statusin ligjor të Memorialit u pasua nga një vendim tjetër gjyqësor për mbylljen e organizatës simotër, Qendrës për të Drejtat e Njeriut Memorial.
Gjykata Evropiane e të Drejtave të Njeriut i ka kërkuar Rusisë pezullimin e vendimit.
Qeveria gjermane kritikoi vendimin e Gjykatës së Lartë për mbylljen e Memorialit, ku Wolfgang Büchner tha se vendimi ishte “më se i pakuptueshëm” dhe shkelte detyrimet ndërkombëtare për të drejtat civile.
“Gjyqi i Memorialit tregon edhe një herë se represioni kundër shoqërisë civile në Rusi vazhdon të rritet”, tha ai.
Sekretarja e Jashtme britanike, Liz Truss, tha se ishte “thellësisht e shqetësuar” nga likuidimi i Memorial prej anës së gjykatave.
Sekretari amerikan i Shtetit, Antony Blinken, denoncoi “persekutimin” e të dy organizatave si “një fyerje ndaj misioneve të tyre fisnike dhe ndaj kauzës së të drejtave të njeriut kudo”.
Në peticionet e tyre për mbylljen e të dy grupeve, të paraqitura në dy gjykata të ndryshme muajin e kaluar, prokurorët argumentuan se organizatat në mënyrë të përsëritur shkelën rregulloret që i detyronin ata të etiketonin veten si “agjentë të huaj”.
Memorial dhe Qendra e të Drejtave të Njeriut Memorial i hodhën poshtë akuzat si të motivuara politikisht.
Vendimet për mbylljen e tyre shkaktuan zemërim të gjerë publik, me turma mbështetësish që u shfaqën para gjykatave të martën dhe të mërkurën, pavarësisht motit të ftohtë./UBTNews/