Një gjykatës federal urdhëroi ish-presidentin amerikan Donald Trump dhe avokatët e tij të paguajnë gati 1 milion dollarë (0.92 milion €) të enjten pas padisë ndaj ish-Sekretares së Shtetit, Hillary Clinton, nën pretendimet se ajo u përpoq të manipulonte zgjedhjet presidenciale të vitit 2016.
Gjykatësi amerikan, Donald M. Middlebrooks e akuzoi Trumpin për “abuzim me gjykatat”. Duke ngritur padi “joserioze”, Trump “minon sundimin e ligjit” në një mënyrë që “përbëhet nga pengimi i drejtësisë”.
Middlebrooks tha se republikani, i cili po kërkon të kthehet në Shtëpinë e Bardhë në vitin 2024, kishte ngritur padinë “me qëllim që të avanconte në mënyrë të pandershme një narrativë politike”.
Gjatë muajit nëntor republikani njoftoi se do të kandidojë për herë të tretë për Shtëpinë e Bardhë./UBTNews/