Policia e Kosovës e ka arrestuar një person në Mitrovicë pasi që i njëjti ka gjuajtur me armë zjarri në një aheng familjar.
Policia njofton se në vendin e ngjarjes i ka sekuestruar pesë gëzhoja të fishekëve.
Nga i arrestuari është sekuestruar një pushkë automatike.
“Rr. Sefë Kosharja, Mitrovicë 16.08.2021 – 11:30. Është arrestuar i dyshuari mashkull kosovar nën dyshimin se i njëjti, në një aheng familjar kishte shtënë me armë zjarri. Në vendin e ngjarjes njësiti policor ka gjetur dhe sekuestruar pesë gëzhoja të fishekëve, ndërsa nga i dyshuari ka sekuestruar një pushkë automatike. I dyshuari pas intervistimit, me urdhër të prokurorit është liruar në procedurë të rregullt”, thuhet në njoftimin e policisë.