Aktivistët e të drejtave të kafshëve të premten brohoritën një lëvizje të një gjiganti të anijeve për të ndryshuar kursin në ujërat e Sri Lankës – kjo për të shmangur përplasjet me balenat blu, gjitarët më të mëdhenj në botë.
Bregdeti jugor i ishullit ka një densitet jashtëzakonisht të lartë balenash blu – të cilat klasifikohen si specie të rrezikuara – dhe është një nga korsitë më të ngarkuara të transportit ndërkombëtar në botë.
Aktivistët besojnë se më shumë se një duzinë nga balenat blu, më të mëdhatë që kanë jetuar ndonjëherë në Tokë me gjatësi deri në 30 metra dhe 150 tonë, janë vrarë në përplasjet me anijet tregtare në dekadën e fundit.
Kompania Mesdhetare e Transportit (MSC) me bazë në Gjenevë, një nga transportuesit më të mëdhenj të kontejnerëve në botë, njoftoi të enjten se kishte rregulluar vullnetarisht rrugët e saj rreth Sri Lankës në atë distancë për të zvogëluar rrezikun e aksidenteve që përfshijnë balenat dhe delfinët.
Masa mund të zvogëlojë rrezikun e goditjes deri në 95 për qind, tha kompania.
Fondi Ndërkombëtar për Mirëqenien e Kafshëve e përshëndeti njoftimin, duke e quajtur atë “lajm të mirë si për balenat blu ashtu edhe për njerëzit”./UBTNews/