Gjermania ka regjistruar rritje të mprehtë të incidenteve antisemitike që nga sulmet e Hamasit ndaj Izraelit një muaj më parë, sipas një komisioneri qeveritar.
“Ajo që kemi parë që nga 7 tetori është urrejtja ndaj hebrenjve në një nivel që nuk është parë në Gjermani për dekada”, u tha gazetarëve të martën komisioneri qeveritar për Jetën Hebraike në Gjermani dhe Luftën kundër Antisemitizmit, Felix Klein.
Policia Federale Kriminale gjermane ka regjistruar “të paktën 2 mijë krime në lidhje me konfliktin në Lindjen e Mesme”, tha Klein.
“Si mund të ndodhë që dita në të cilën u vranë më shumë hebrenj se çdo ditë tjetër që nga Holokausti të përballet me antisemitizëm masiv e të dhunshëm në mbarë botën?”, pyeti Klein.
Ai tha se janë raportuar shkrime antisemitike në rrugët gjermane, shtëpitë e familjeve hebreje të shënuara me Yllin e Davidit dhe një qendër komunitare hebreje të sulmuar me kokteje molotovi.
Qeveria gjermane ka rritur masat e sigurisë për institucionet hebraike dhe izraelite në Gjermani./UBTNews/