Gjermania i ka premtuar Ukrainës një sistem tjetër të mbrojtjes ajrore Patriot për të zvogëluar sulmet në infrastrukturë, njoftoi kancelari Olaf Scholz pas një takimi me presidentin ukrainas, Volodymyr Zelensky, në Spanjë.
Forcimi i mbrojtjes ajrore të Ukrainës me sistemin Patriot “është ajo që nevojitet tani — sigurimi i mbrojtjes ajrore me këtë sistem shumë efikas”, u tha Scholz gazetarëve.
“Ne i kemi dhënë Ukrainës sistemin e mbrojtjes ajrore Patriot në të kaluarën dhe i kam thënë presidentit ukrainas këtu se do t’i ofrojmë Ukrainës një sistem tjetër gjatë muajve të dimrit”, tha Scholz.
Ministrja e Jashtme, Annalena Baerbock tha se Gjermania do të “bëjë gjithçka” për t’u siguruar që Ukraina të mbrohet nga “terrori raketor” i Rusisë./UBTNews/