Gjermania po përballet me kohë të vështirë dhe duhet të përgatitet që Rusia të shtrëngojë më tej furnizimet me gaz, tha ministri i ekonomisë i vendit.
Megjithatë, Robert Habeck shtoi se Gjermania ka një shans të madh për të kaluar dimrin e ardhshëm pa marrë masa drastike.
“Ne kemi ende një dimër shumë kritik përpara nesh. Ne duhet të presim që presidenti rus, Vladimir Putin do të reduktojë më tej gazin”, i tha zoti Habeck transmetuesit gjerman ARD nga Kanadaja, ku ai është në një udhëtim treditor me kancelarin Olaf Scholz.
Të premten, kompania shtetërore ruse e energjisë Gazprom tha se do të mbyllë një tubacion kyç që transporton gaz natyror në Evropë për tri ditë në fund të këtij muaji./UBTNews/