Gjermania planifikon të furnizojë Ukrainën me 18 obusa me rrota RCH 155, njofton qeveria gjermane. Dorëzimi është në fazën e “përgatitjes/zbatimit”, sipas listës.
Po ashtu bëhet e ditur se Gjermania do të sigurojë gjithashtu 100 sensorë dhe bllokues mbrojtës të dronëve shtesë, dy tenda hangar dhe shtatë kamionë për trajtimin e ngarkesës.
Gjermania dhe Holanda kanë dërguar tashmë 14 topa vetëlëvizës PzH2000 në Ukrainë, së bashku me mijëra fishekë.
RCH 155 është një version i modernizuar i PzH 2000 me rrota në vend të binarëve dhe me një shkallë më të lartë automatizimi dhe sigurie të ekuipazhit, sipas kompanisë prodhuese të obusit, Krauss Maffei Wegmann.
Qeveria gjermane hapi ligjërisht rrugën që RCH 155 të dërgohen në Ukrainë në fund të muajit shtator./UBTNews/