Sipas raportit 24-orësh të Policisë së Kosovës, në lagjen Kolovicë në Prishtinë është raportuar për një person të gjetur pa shenja jete.
Rasti ka ndodhur mbrëmjen e 18 shkurtit, ku viktima, mashkull kosovar, është gjetur i shtrirë në rrugë pa shenja jete. Në vendin e ngjarjes kanë dalë njësitë relevante policore si dhe ekipi mjekësor, të cilët kanë konstatuar vdekjen e tij.
Me urdhër të prokurorit, trupi i pajetë është dërguar në Instituti i Mjekësisë Ligjore për obduksion.
Rasti është iniciuar si “Hetim mbi vdekjen” dhe po trajtohet nga organet kompetente.