Një peshk diellor gjigant, që besohet të jetë peshku kockor më i rëndë në botë është gjetur në arkipelagun Azores, Portugali, me peshë 2 mijë e 744 kilogramë (3 ton).
Studiuesit thonë se kafsha u gjet e ngordhur, duke lundruar pranë ishullit Faial në Atlantikun e Veriut qendror në muajin dhjetor.
Edhe pse u gjet vitin e kaluar, detajet janë publikuar së fundmi në Journal of Fish Biology.
Ekzistojnë rreth 29 mijë lloje peshqish kockor, të cilët kanë një strukturë kockore skeletore, duke i bërë ata shumicën e llojeve të peshqve në botë./UBTNews/