Qentë e policisë në Ekuador kanë bërë një zbulim të rëndësishëm, pasi gjetën 6.23 ton kokainë të fshehur në një kontejner me banane në portin Posorja, në afërsi të Guayaquil-it, qyteti më i madh i vendit.
Zyrtarët raportojnë se janë sekuestruar 5630 pako të mbushura me kokainë, e cila kishte një vlerë prej rreth 200 milionë dollarësh (173 milionë paund) nëse do të arrinte në destinacionin e saj, Gjermaninë.
Sipas prokurorëve të përgjithshëm, një prej të arrestuarve është një përfaqësues i kompanisë përgjegjëse për eksportin e bananeve, i cili ishte i pranishëm gjatë inspektimit dhe siguroi informacionin për katër të dyshuarit e tjerë. Mes të arrestuarve përfshihen drejtues të plantacionit të bananeve ku dyshohet se droga është shtuar në ngarkesën e frutave, si dhe shoferi i kamionit që transportoi konteinerin në port.
Ekuadori ka bërë një vend kryesor tranziti për kokainën e prodhuar në vendet fqinje, Peru dhe Kolumbia. Bandat kriminale transnacionale shfrytëzojnë portet e Ekuadorit për të dërguar drogën në Evropë dhe Shtetet e Bashkuara.
Forcat e sigurisë ekuadoriane kanë kapur mbi 200 ton drogë vitin e kaluar, shumica e së cilës ishte kokainë. Këto operacione kanë përfshirë zbulime të mëdha, siç ishte rasti i gjetjes së 22 tonëve kokainë në një fermë derrash në janar.
Krimit të organizuar i ka krijuar Ekuadorit një valë të lartë krimesh dhe dhune, duke detyruar presidentin Daniel Noboa të shpallë gjendjen e jashtëzakonshme dhe të mobilizojë një numër të madh forcash policie dhe ushtarake për të luftuar këtë fenomen./UBTNews/
