Trupi i gjymtuar i një gazetari të njohur kamerunas është gjetur pranë kryeqytetit, Yaoundé, pesë ditë pasi ai u rrëmbye nga persona të paidentifikuar.
Mbrojtësit e medias e përshkruan zhdukjen dhe vdekjen e Martinez Zogos si një shenjë të mëtejshme të rreziqeve gjatë raportimit në vendin afrikan.
Zogo, drejtori i radiostacionit privat Amplitude FM, u rrëmbye më 17 janar nga sulmues të panjohur pasi u përpoq të hynte në një stacion policie për t’u shpëtuar sulmuesve të tij, tha organi mbikëqyrës i medias Reporterët pa Kufi (RSF).
Zogo kishte folur në transmetim kohët e fundit për një rast të dyshuar përvetësimi që përfshin një media me lidhje me qeverinë, tha RSF.
Ky është incidenti i fundit në një varg sulmesh kundër gazetarëve në Kamerun, i cili drejtohet nga presidenti Paul Biya, që ka një histori dekadash të gjatë të shtypjes së opozitës./UBTNews/