Gjashtë të moshuar humbën jetën pasi flakët përfshinë azilin në Spanjën lindore pranë qytetit të Valencias.
Shtatëmbëdhjetë persona të tjerë u shtruan në spital, duke përfshirë tre në gjendje të rëndë, thanë autoritetet.
Sipas autoriteteve zjarri ka filluar në një dhomë gjumi në katin e dytë të martën në mbrëmje.
Zjarrfikësit raportuan se gjithsej 70 banorë u evakuuan nga shtëpia e të moshuarve në komunën e Moncada.
Ximo Puig, president i qeverisë së Valencias, tha se forcat policore të Gardës Civile të Spanjës po hetonin shkakun e zjarrit. Hetuesit besojnë se zjarri mund të ketë nisur pas një qarku të shkurtër në një mekanizëm të lidhur me një rezervuar oksigjeni.
Kryeministri spanjoll Pedro Sánchez tha në Twitter se po ndiqte “lajmet tragjike nga Moncada”.
Autoritetet komunale në Moncada kanë bërë thirrje për tre ditë zie.