Numri i personave të vrarë në sulmet izraelite në Rripin e Gazës që nga mëngjesi i sotëm është rritur në të paktën 100, sipas Ministrisë së Shëndetësisë së Gazës.
Ashraf al-Qudra, zëdhënësi i Ministrisë së Shëndetësisë në Gaza, i ka bërë thirrje “çdo ndërgjegjeje të gjallë” që të lejojë hapjen e kalimit Rafah në mes të një krize humanitare “jashtëzakonisht katastrofike”.
“Ndihma mjekësore që hyri në Gaza gjatë armëpushimit është e mjaftueshme vetëm për një ditë”, tha al-Qudra në një deklaratë. “Sektori shëndetësor në Gaza është jashtë shërbimit në çdo kuptim të fjalës”, tha ai./UBTNews/