Përveç dy smartfonëve me ekrane me palosje dhe një çifti orësh inteligjente, Samsung prezantoi në evenimentin Unpacked një palë kufje wireless.
Galaxy Buds 2 kushtojnë 149.99 dollarë dhe do të zëvendësojnë Galaxy Buds Plus. Porositë fillojnë nga dita e sotme ndërsa shitjet më 27 Gusht.
Kufjet janë të disponueshme në katër ngjyra: gri e mbyllët, bardhë, lejla dhe jeshile. Kanë një dizajn të ngjashëm me modelin e shtrenjtë Galaxy Buds Pro por janë më të vogla.
Madje Samsung pretendon se janë kufjet më të vogla wireless që ka prodhuar ndonjëherë. Buds 2 dallojnë nga Buds Plus falë përfshirjes së anulimit të zhurmave.
Jetëgjatësia e baterisë së Buds 2 shkon deri në 5 orë dëgjim pa ndërprerje me anulimin e zhurmave të aktivizuar ndërsa deri në 20 orë nëse mbani kutinë e tyre me vete.
Nëse fikni anulimin e zhurmave, jetëgjatësia është 7.5 orë dhe 29 orë respektivisht, ende shumë larg Galaxy Buds Plus me 11 orë jetëgjatësi baterie.
Certifikimi IPX2 nuk bën shumë për mbrojtjen e kufjeve dhe nuk duhen testuar shumë në ujë. Galaxy Buds 2 tashmë janë kufjet më të lira të Samsung duke qëndruar nën koston e Galaxy Buds Live prej 169.99 dollarë dhe Galaxy Buds Plus prej 199.99 dollarë. /PCWorld Albanian