Deputetët francezë kanë miratuar një ligj të ri që do të kriminalizojë bullizmin në shkollë dhe do të sigurojë trajnime të mëtejshme për mësuesit për të parandaluar ngacmimet, përcjell UBT News.
Legjislacioni i propozuar do ta bëjë ngacmimin në shkollë një vepër penale specifike, për të cilën do të mund të mbahen përgjegjës ose nxënësit ose stafi i shkollës.
Ata që shpallen fajtorë mund të përballen me gjoba deri në 45,000 euro dhe tre vjet burg nëse ngacmimi detyron një viktimë të humbasë shkollën ose të punojë deri në tetë ditë.
Por dënimet mund të rriten deri në dhjetë vjet burgim dhe një gjobë prej 150,000 € për ata që bullizojnë, kjo në qoftë se viktima kryen vetëvrasje ose tenton të bëjë.
Presidenti Emmanuel Macron ishte zotuar të forcojë reagimin e vendit ndaj bullizmit duke u dhënë më shumë mbështetje prindërve dhe duke rritur numrin e vendeve ku të rinjtë mund të dëgjoheshin.
Projektligji u miratua nga një shumicë e dhomës së ulët në leximin e parë në Asamblenë Kombëtare Franceze të mërkurën. Ligji tani shkon në Senatin francez, ku do të votohet në një seancë tjetër parlamentare në shkurt.
Ministri i Arsimit i Francës, Jean-Michel Blanquer, ka mirëpritur “hapin e rëndësishëm” të ndërmarrë nga ligjvënësit duke thënë se ligji është krijuar për të “dekurajuar” bullizmin në shkolla./UBTNews/