Franca njoftoi një lehtësim të kufizimeve që do t’u mundësojë personave të vaksinuar plotësisht që rezultojnë pozitivë të izolohen për shtatë ditë në vend të 10 ditëve.
Megjithëse Franca është një nga gjashtë vendet në botë që ka regjistruar më shumë se 10 milionë raste që nga fillimi i pandemisë, autoritetet po bëjnë zgjedhje të vështira mes shqetësimeve të shëndetit publik dhe ekonomik.
Personat e vaksinuar plotësisht që rezultojnë pozitivë do të duhet të izolohen vetëm për shtatë ditë, pavarësisht nga varianti i koronavirusit me të cilin janë infektuar, por mund të largohen nga karantina pas pesë ditësh nëse tregojnë një antigjen ose test negativ PCR.
Ndërkohë, personat që rezultojnë pozitivë për virusin – por që nuk janë plotësisht të vaksinuar – duhet të kryejnë një karantinë 10-ditore.
Qeveria ka njoftuar se nga e hëna mbajtja e maskave në hapësirat publike do të jetë e detyrueshme për fëmijët, duke filluar nga mosha 6 vjeç.
Disa qytete të mëdha, përfshirë Parisin dhe Lionin, kanë ri-imponuar mbajtjen e maskave në rrugë për të gjithë./UBTNews/