Furnizuesi i Apple, Foxconn thotë se po rikthen “gradualisht” kapacitetin e prodhimit në fabrikën e tij në Kinën qendrore, që është goditur nga kufizimet COVID-19 dhe protestat e punëtorëve që nga muaji tetor.
“Situata epidemike” në fabrikë, e njohur si iPhone City dhe normalisht shtëpia e qindra mijëra punëtorëve, është nën kontroll, thuhet në një deklaratë të kompanisë që u lëshua të hënën.
Ndërprerjet e vazhdueshme të furnizimit në fabrikën e Foxconn në qytetin e Zhengzhou po i kushtojnë Apple afërsisht 1 miliard dollarë në javë, tha Daniel Ives, një analist në Wedbush Securities./UBTNews/