Një foshnje në Turqi, që kaloi 128 orë nën rrënoja si pasojë e një tërmeti të fuqishëm që goditi shtetin gjatë muajit shkurt – u ribashkua me të ëmën, e cila më parë u shpall e vdekur, konfirmuan autoritetet turke.
Foshnja Vetin Begdas, tri muajshe e gjysmë u ribashkua me të ëmën Yasemin Begdas të shtunën, 54 ditë pasi u shpëtua nga rrënojat e një ndërtese të dëmtuar në provincën e Hatay-t, raportoi Anadolu Agency. Autoritetet mjekësore që u kujdesën për të ia vunë emrin Gizem (mister).
Siç raportoi Anadolu, babai dhe dy vëllezërit e foshnjës vdiqën si pasojë e tërmetit. Ky tërmet la të vdekur mbi 50 mijë njerëz./UBTNews/