Raportohet se një foshnje është shpëtuar nga rrënojat e shtëpisë së saj në veri të Sirisë pas tërmetit të së hënës.
Kordoni i kërthizës ishte ende i lidhur me nënën e saj kur u gjet, njoftoi një i afërm për Agence France-Presse. Nëna e saj besohet se ka vdekur pas lindjes.
“Ne dëgjuam një zë ndërsa po gërmonim”, tha kushëriri Khalil al-Suwadi për AFP të martën. “Ne pastruam pluhurin dhe gjetëm foshnjën me kordonin e kërthizës (të paprekur), kështu që e premë dhe kushëriri im e çoi në spital”.
Të mbijetuarit ende po nxirren nga rrënojat në Siri dhe Turqi, ku një tërmet me magnitudë 7.8 goditi mëngjesin e së hënës.
Përpjekjet e kërkim-shpëtimit janë vështirësuar nga kushtet e ngrirjes, rrugët e bllokuara, infrastruktura e dëmtuar dhe disa pasgoditje./UBTNews/