Forcat ruse të dislokuara pranë kufirit të Ukrainës kanë filluar të kthehen në garnizonet e tyre, thotë ministria ruse e mbrojtjes, përcjell UBT News.
Gjeneralmajor Igor Konashenkov, zëdhënësi i ministrisë së mbrojtjes, tha sot në mëngjes se “me mbarimin e aktiviteteve të stërvitjes ushtarake, si gjithmonë, marshimet do të kryhen në mënyrë të kombinuar në pikat e dislokimit të përhershëm”.
Njësitë që kanë përfunduar detyrat e tyre tashmë kanë filluar ngarkimin e automjeteve hekurudhore dhe motorike dhe sot do të fillojnë të lëvizin në bazat e tyre ushtarake, shtoi ai në një video të publikuar në Facebook.
Rusia ka vendosur më shumë se 100,000 trupa dhe pajisje ushtarake përgjatë kufirit të saj të përbashkët me Ukrainën muajt e fundit, duke nxitur frikën se mund të pushtojë fqinjin e saj, një akuzë që Moska e ka kundërshtuar vazhdimisht./UBTNews/