Kosova përmes “Global UBT Fest” edhe këtë vit do të bëhet destinacion për shumë ekspertë, shkencëtarë, politikanë, si dhe artistë ndërkombëtarë.
Festivali më i madh i dijes në Evropë, “Global UBT Fest 2023” po vjen këtë verë me gara, punëtori, simulime, projekte, ligjërata nga ekspertët dhe profesorët më të mirë nga e mbarë bota.
Të rinj nga Kosova dhe më gjerë në “Global UBT Fest 2023” do të kenë mundësinë që të fitojnë një përvojë të paharruar jetësore, duke u përgatitur profesionalisht e intelektualisht, si dhe të argëtohen përmes aktiviteteve të shumta.
Do të kenë mundësi të krijojnë miqësi të reja dhe shkëmbim të ideve e përvojave me shumë të rinj pjesëmarrës nga rajoni dhe bota.
Në kuadër të këtij festivali janë të integruara rreth 30 Akademi Ndërkombëtare Verore dhe pjesëmarrja do të jetë falas për të gjithë.
Nga 1 deri më 31 korrik, mund të bëheni pjesë e këtyre akademive:
Shkenca Kompjuterike dhe Inxhinieri;
Arkitekturë dhe Planifikim Hapësinor;
Menaxhment, Biznes dhe Ekonomi;
Muzika Moderne dhe Produksioni;
Inxhinieria Ndërtimore dhe Infrastrukturë;
Menaxhimi i Patundshmërive dhe Infrastrukturës;
Inxhinieria e Agrikulturës dhe Mjedisit;
Shkencat e Ushqimit dhe Bioteknologjisë;
Qendra e Këshilluese për Studentë;
Zyra për Orientim në Karrierë;
Shkenca të Sportit dhe të Lëvizjes;
Për më shumë informata rreth mënyrës së aplikimit dhe në përgjithësi në Festivalin Akademik Virtual të UBT-së, mund të kontaktoni e-mail: summeracademy@ubt-uni.net, ose në linkun: https://fest.ubt-uni.net/2023/