Rreth 7 mijë fëmijë që dyshohet se janë të xhihadistëve e që ndodhen në kampet e mbipopulluara të paraburgimit në verilindje të Sirisë, rrezikohen nga sulmet dhe duhet të riatdhesohen, paralajmëroi një organizatë ndihmash të mërkurën.
Që nga disfata territoriale e grupit të Shtetit Islamik në vitin 2019 në Siri, rreth 56 mijë të afërm të xhihadistëve të mundur janë arrestuar në kampet Al-Hol dhe Roj të kontrolluara nga kurdët.
“Këta fëmijë janë të bllokuar në kushte të tmerrshme dhe të rrezikuar çdo ditë”, tha Matt Sugrue nga Save the Children, një organizatë bamirëse që punon në kampe. “Nuk ka kohë për të humbur”.
Kampet administrohen nga Forcat Demokratike Siriane të mbizotëruara nga kurdët, me më shumë se 10 mijë të huaj nga rreth 60 vende të mbajtura në një seksion të veçantë.
Në vitin 2021, 74 fëmijë vdiqën në Al-Hol, tetë prej tyre u vranë, sipas Save the Children./UBTNews/