Federata Salvadorane e Futbollit, dënoi të hënën vdekjen e një gjyqtari që u sulmua dhunshëm teksa drejtonte një ndeshje fundjavën e kaluar në kryeqytet.
Në një njoftim për shtyp, federata tha se dënon dhe refuzon agresionin fizik” drejtuar gjyqtarit 63-vjeçar, Jose Arnoldo Amaya, nga të ashtuquajturit mbështetës dhe lojtarë gjatë një ndeshje që ai arbitroi në stadiumin, Toluca, në San Salvador.
Një anëtar i Shoqatës Kombëtare të Gjyqtarëve të Futbollit të El Salvadorit, Amaya, u sulmua dhunshëm përpara se të dërgohej në spital ku vdiq nga plagët e tij.
Policia ende nuk ka dhënë detaje të sakta për ngjarjen, ndërsa është në kërkim të autorëve.
Amaya, kishte shërbyer rreth 20 vjet si arbitër për ndeshjet e lagjes, shkollës dhe ligës së futbollit në El Salvador. /UBTNews/