Familja mbretërore tha se ishte “zhgënjyese” që BBC u kishte dhënë “besueshmëri” pretendimeve se të brendshëm nga familjet mbretërore kishin informuar disa gazetarë, përcjell UBT News.
Pjesa e parë e një dokumentari të BBC-së për marrëdhënien e princave William dhe Harry me shtypin u transmetua pas shumë spekulimeve rreth përmbajtjes së tij.
Programi përfundoi me një deklaratë nga Buckingham Palace, Clarence House dhe Kensington Palace duke thënë se është “zhgënjyese” kur i jepet besueshmëri “pretendimeve të tepërta dhe të pabaza nga burime të paidentifikuara”.
Në deklaratë thuhej:“Një shtyp i lirë, i përgjegjshëm dhe i hapur është i një rëndësie jetike për një demokraci të shëndetshme. Megjithatë, shumë shpesh janë pretendime të tepërta dhe të pabaza nga burime të paidentifikuara që paraqiten si fakte dhe është zhgënjyese kur dikush, përfshirë BBC-në, u jep atyre besueshmëri”.
Aty nuk është e qartë se çfarë “pretendimesh” i referohet Pallati dhe kuptohet se ata nuk e kanë parë dokumentarin përpara se të transmetohej.
Programi eksploroi se nga erdhën historitë dhe si u bë publike tregimi rreth përçarjes së Harry-t dhe Meghan-it me familjen mbretërore./UBTNews/