Evropa nuk mund të vendosë se si të paguajë për importet e gazit natyror nga Rusia që vazhdojnë të furnizojnë shtëpitë, bizneset dhe termocentralet.
Konfuzioni përqendrohet në logjistikën e vetë pagesave. Disa blerës evropianë janë përgatitur të punojnë rreth kërkesës së Kremlinit që faturat e gazit të paguhen në rubla, në vend të eurove ose dollarëve të përcaktuara në kontrata.
Sipas mekanizmit të ri të pagesave të Rusisë, blerësit nga vendet “jomiqësore” duhet të hapin dy llogari në Gazprombank – një në euro dhe tjetrën në rubla – nga të cilat do të bëhen pagesat për gazin. Por të martën, Komisioni Evropian tha se këto kushte janë në kundërshtim me sanksionet e BE-së.
Kjo deklaratë dukej se binte ndesh me udhëzimet që Komisioni dha vetëm katër ditë më parë, gjë që bëri që disa nga kompanitë më të mëdha të energjisë evropiane të supozonin se mund ta shmangnin çështjen e monedhës duke hapur dy llogari në bankën ruse.
Kjo vjen pasi disa kompani të mëdha evropiane po përpiqen të paguajnë faturat e tyre në kohë pa shkelur sanksionet./UBTNews/