Gjithnjë e më shumë të rriturit po përdorin melatoninën për gjumë dhe madje disa nga ta mund të jenë duke e përdorur në nivele të rrezikshme, zbuloi studimi i ri.
Ndërsa përdorimi i përgjithshëm në mesin e popullsisë së rritur të Shteteve të Bashkuara është ende në “nivelin e ulët”, studimi “dokumenton një rritje të konsiderueshme të përdorimit të melatoninës në vitet e fundit”, tha specialistja e gjumit, Rebecca Robbins, e cila nuk është e përfshirë në studim.
Studimi i cili u publikua të martën në revistën mjekësore JAMA, zbuloi se deri në vitin 2018 amerikanët po merrnin më shumë se dyfishin e sasisë së melatoninës që e morën një dekadë më parë.
Melatonina u lidh me dhimbje koke, marramendje, të përziera, ngërçe në stomak, përgjumje, konfuzion ose çorientim, nervozizëm dhe ankth të lehtë, depresion dhe dridhje, si dhe presion të ulët të gjakut anormalisht. Gjithashtu mund të ndërveprojë me medikamente të zakonshme dhe të shkaktojë alergji./UBTNews/