Presidenti turk Rexhep Tajip Erdogan i ka thënë presidentit rus Vladimir Putin se thirrjet për paqe dhe negociata duhet të mbështeten nga një deklaratë e njëanshme e armëpushimit dhe një vizion për “një zgjidhje të drejtë”, sipas një deklarate të qeverisë.
Në një telefonatë me Putin të enjten, Erdogan theksoi se negociatat e mëparshme kanë dhënë rezultate pozitive, si krijimi i korridorit të grurit të Detit të Zi, shkëmbimi i të burgosurve dhe iniciativat për të krijuar një zonë të sigurt rreth termocentralit bërthamor të Zaporizhzhia-s.
Turqia ka bërë thirrje për t’i dhënë fund konfliktit në shumë raste dhe gjatë vitit 2022 Erdogan u përpoq të pozicionohej si ndërmjetës midis Putinit dhe Perëndimit.
Më 22 dhjetor, Sekretari i Shtetit i SHBA-së Antony Blinken foli me Ministrin e Jashtëm turk, Mevlut Cavusoglu, për të falënderuar Turqinë për “përpjekjet e saj për të siguruar vazhdimin e Iniciativës së Grurit të Detit të Zi të ndërmjetësuar nga OKB”, sipas një deklarate nga zëdhënësi i Departamentit të Shtetit të SHBA-së, Ned Price./UBTNews/