Emiratet e Bashkuara Arabe thanë sot se kishin kapur një raketë balistike që u hodh nga grupi Houthi i Jemenit, ndërsa vendi priti Presidentin e Izraelit, Isaac Herzog, në një vizitë të parë të tillë.
Ministria e Mbrojtjes e Emirateve tha se raketa u kap dhe u shkatërrua, duke shtuar se mbeturinat e saj ranë në një zonë të pabanuar. Ata nuk treguan nëse raketa kishte në shënjestër kryeqytetin Abu Dabi apo Dubain.
Emiratet e Bashkuara Arabe janë pjesë e një koalicioni të udhëhequr nga Arabia Saudite që lufton grupin rebel Houthi në Jemen, i cili ka shkaktuar një konflikt shtatëvjeçar që ka vrarë dhjetëra mijëra dhe e ka shtyrë vendin e varfër në prag të urisë.
Sulmi i së hënës erdhi ndërsa presidenti i Izraelit, Herzog, diskutoi për sigurinë dhe marrëdhëniet dypalëshe me sundimtarin de fakto të Emirateve të Bashkuara Arabe, princin Sheikh Mohammed bin Zayed Al Nahyan, në Abu Dabi.
Herzog e kaloi natën në Abu Dabi, tha një zyrtar izraelit për Reuters. Ai do të vazhdojë vizitën e tij në Emiratet e Bashkuara Arabe pavarësisht sulmit të grupit Houthi, tha zyra e tij.
Shtetet e Bashkuara e dënuan sulmin./UBTNews/