Jack Sweeney, 19-vjeçar nga Florida, refuzoi ofertën 5 mijë dollarëshe nga Elon Musk për ta fshirë llogarinë në Twitter që gjurmon avionin privat të miliarderit.
ElonJet ka 150 mijë ndjekës dhe përdor një bot që Sweeney zhvilloi për të monitoruar fluturimet e Musk. Pastaj aty publikohen edhe njoftimet se kur niset dhe kur ulet avioni dhe kohëzgjatja e çdo udhëtimi.
Studenti i kolegjit ka zhvilluar rreth një duzinë llogarish të tjera të robotëve të fluturimit që gjurmojnë udhëtimet e titanëve të teknologjisë së profilit të lartë, duke përfshirë Bill Gates dhe Jeff Bezos. Mesazhi fillestar i drejtpërdrejtë nga Musk erdhi më 30 nëntor, raportoi Protocol.
Themeluesi i Tesla dhe SpaceX i ofroi adoleshentit 5 mijë dollarë për të parandaluar gjurmimin e fluturimeve të tij. Kurse ai u kundërpërgjigj duke kërkuar 50 mijë dollarë, duke thënë se ai mund t’i përdorte paratë për kolegj dhe ndoshta një Tesla (TSLA) Model 3.
Sweeney tha se ai ka qenë një adhurues i SpaceX që nga lansimi i Falcon Heavy në vitin 2018. Babai i tij punon për një linjë ajrore, duke nxitur interesin e tij për aviacionin./UBTNews