Ukraina ka krijuar dy rrugë përmes Polonisë dhe Rumanisë për të eksportuar drithërat dhe për të shmangur krizën globale ushqimore, megjithëse pengesat kanë ngadalësuar zinxhirin e furnizimit, tha të dielën zëvendësministri i Jashtëm i Kievit.
Dmytro Senik tha se siguria globale ushqimore është në rrezik për shkak se pushtimi rus i Ukrainës ka ndalur eksportet e drithërave të Kievit në Detin e Zi, duke shkaktuar mungesa të mëdha dhe rritje të çmimeve.
Ukraina është eksportuesi i katërt më i madh në botë i drithërave dhe thotë se ka rreth 30 milionë ton drithëra të magazinuara në territorin e kontrolluar nga Ukraina. Ajo po përpiqet t’i eksportojë ato nëpërmjet rrugëve, lumenjve dhe hekurudhave. Madje Senik tha se Ukraina është në bisedime me shtetet e Baltikut që të shtojë një korridor të tretë për eksportimin e drithërave./UBTNews/